دابه‌شكردنی موچه‌ی مانگی 11ی فه‌رمانبه‌رانی عێراق ده‌ستپێده‌كات

وه‌زاره‌تی دارایی عێراق رایگه‌یاند، له‌ ئه‌مڕۆ سێشه‌ممه‌وه‌ بودجه‌ی پێویست ره‌وانه‌ی بانكه‌كان كراوه‌، به‌مه‌به‌ستی دابه‌شكردنی موچه‌ی مانگی (تشرینی دوه‌م/11)ی فه‌رمانبه‌ران.

وه‌زاره‌تی دارایی له‌ڕاگه‌یه‌ندراوێكدا بڵاویكرده‌وه‌، به‌شی ژمێریاری وه‌زاره‌ته‌كه‌یان ده‌ستیكردوه‌ به‌ ناردنی بودجه‌ بۆ موچه‌ی فه‌رمانبه‌ران بۆ ئه‌م مانگه‌، دوای ته‌واوكردنی سه‌رجه‌م ڕێكاره‌كانی په‌یوه‌ست به‌ پرۆسه‌ی ڕێكخستنی خه‌رجكردن.

سه‌ردانی به‌ڕێوه‌به‌رایه‌تییه‌كانیان و بانكه‌كان بكه‌ن بۆ ته‌واوكردنی ڕێكاره‌كانی دارایی موچه‌

وه‌زاره‌تی دارایی داوای له‌ سه‌رجه‌م یه‌كه‌كانی خه‌رجكردن له‌ وه‌زاره‌ته‌كان و پارێزگا و لایه‌نه‌ په‌یوه‌ندیداره‌كان كردوه‌، سه‌ردانی به‌ڕێوه‌به‌رایه‌تییه‌كانیان و بانكه‌كان بكه‌ن بۆ ته‌واوكردنی ڕێكاره‌كانی دارایی موچه‌، به‌ له‌به‌رچاوگرتنی پابه‌ندبون به‌ مه‌رجه‌كانی دارایی مانگانه‌.

ئه‌وه‌ش له‌كاتێكدایه‌ تا ئێستا فه‌رمانبه‌رانی هه‌رێمی كوردستان له‌چاوه‌ڕوانی موچه‌ی مانگی (ئه‌یلول/9)ی ئه‌مساڵدان، هیچ واده‌یه‌كیش بۆ ئه‌و مه‌به‌سته‌ دیارینه‌كراوه‌، حكومه‌تی هه‌رێم چاوه‌ڕوانی ناردنی 700 ملیار دیناری دیكه‌ له‌ به‌غداوه‌ ده‌كات بۆئه‌وه‌ی بتوانێت موچه‌ی مانگی 9 دابه‌شبكات.

به‌یانی ئه‌مڕۆ سێشه‌ممه‌ له‌ بازاڕه‌كانی هه‌رێمی كوردستان به‌های دۆلار به‌رامبه‌ر به‌دیناری عێراقی گۆڕانكاری به‌سه‌رهات و به‌های 100 دۆلار به‌رامبه‌ره‌ به‌ 158 هه‌زار و 500 دینار و به‌رده‌وامیش گۆڕانكاری روده‌دات، به‌های تمه‌نی ئێرانیش له‌ نزمترین ئاستدا جێگیر بوه‌ و 100 دۆلار به‌رامبه‌ره‌ به‌ پێنج ملیۆن و 250 تمه‌ن.

نرخی دراوە بیانییەکان لە بازاڕەکانی هەرێم‎نرخی دۆلار بەرامبەر دینار

$100=158,500

نرخی تمەن بەرامبەر دۆلار

$100=5,250,000

نرخی لیرەی تورکی بەرامبەر دۆلار

2,800=100$

‎نرخی یۆرۆ بەرامبەر دینار

171,750=€100

‎نرخی پاوەن بەرامبەر دینار

194,500=£100

‎نرخی یۆرۆ بەرامبەر دۆلار

€100=108$

‎نرخی پاوەن بەرامبەر دۆلار

£100=123$